ANI YARWNG – LALTHARI KAIPENG | KOKBOROK POEM

0
179

ANI YARWNG



Ani yarwng tamo wngwi thangkha
Agio aswk kaham tongmani
Tabukle jora phai rwrwk
Ani buphangni bwlaibo
Kwlai rwrwk wngwi tongkha.

Nobar phaikha hinkhe
Ani khao kirima phaio
Ani o habaide swkagwi
Twlangjakno hinwi.

Tabuk ani yarwngno kahamkhe
Twi lunaibo kwrwikha
Haiphano ang nasing tongo
Watwi phaimani jorano.

Aphuru ani yarwngbo
Ani o ha baide kwrakhe
Bachaoi tong man sinai
Ani phangni bwlaibo
Kwkhwrang kwtal bwlai bai
Naithothokhe kiyogwi phainai
Tei nokbar kotor phaikha
Hinkhebo Khao kirima nangwlakha.

_ Lalthari Kaipeng