BWRWIROGNI SAL – SHARMISTHA DEBBARMA | KOKBOROK POEM

0
264

BWRWIROGNI SAL

Thui budul ni bahan khao Ang ,
Ogo no bwtharjago Ang .
Achai khe bo haa o phobjago ,
Burwi bwsa Ang .

Tini simi borom ,
Ta rwdi ano .
Salsa salsa khe swlaidi ,
Burwi rok no naharjakmani raida no .
Kirimaswnsa langma ta ridi ano ,
Twsadi phwrwngwi swrwngmung no .

Hor kuthuk , lama siring ,
Swngthung swi kwbang.
Khaklap dalwi himwi manthung ,
Taal ni pohor bai lama phunukjak .

Tini salsa simi borom ta ridi ano ,
Philwi rwdi kwcham raida no .
Tini khulumwi , khwna ta bwthardi .
Buma buphano ani, ta sikridi .

Sini mangwlak khwna
Ah ACID sarnai yaak no ,
Gele kwlaio mwkhangni bahan ,
Hor nangjak bwsak ani .

Nangya borom tini salsani bagwi ,
Manna tongkhe atwi mwkhang .

– Sharmistha Debbarma