CHALWI MANYA – RAKHI DEBBARMA | KOKBOROK KOKLOP

0
101

CHALWI MANYA

Kha tongmabaise khaphurmani
Buphuruba twmani bagwiba
Kha phurkha,
Saswlabwi manliya.

Aswk
Laitesakhe o khano riwi nono
Phiya pogwi manlia tangwi kwlaisakhe?
Jorani pherbai
Tini bebakno chaljak.
Haiphano tangwi pogwi manya khabai?

Pojani sakao poja tongwibo
Aswk hilikglak.
O khani pojale
Aswkno hilikkha,
Tabuk khapangbo ruaisukkha.
Uanao bahaikhe horwi
Thanani o pojano?
Hiliksariwi o khapangno.
Khukbaise sao
Ang chalwi thangkha,
Phiya khabai ang chalwi manya,
Khabai ang pogwi manya.

_ Rakhi Debbarma (Hezamara)