JADUNI SUMUI | KOKBOROK PEOM BY KAPIRAM TRIPURA

0
40

JADUNI SUMUI KHORANG

Nobarbai baksa kobonwi phaikhe
Khwnathok nini sumuini khorang
Birwi thango nonomang rwktharwi
Udila chajak ani o khapang.
Huchung kwchamni gairing kwbaio
Jephuru nwng achugwi subo sumuino
Khanga yag songwi siringsakhe ang
Nini ganao achugwi makhwnao
Jaduni khwnathok sumui khorangno.
Nwngbai achugwi kokbithi salaimani
Haping kwchamni sipingbwhlwngo
Khapang tongthogo kwchangma thaio
Sachlangni boyar sibsawi sago.
Tasupdi jadu nini o muani gwnang sumuino
Narwgwi manya khano ang chobwi
Salbai-horbai uansukjao emangrok uajao
Nini mwngno simi khao ang lobwi.

Koklobnai-Kapiram Tripura