KHAPANG KHUTURWGO RWCHAPMUNG – ASHIT DEBBARMA

0
98

Lam judao yapri seui,
Halok khwtwngno sachuya,
Bosong motomma buini bahra,
Tei sanase hamya…………..nwi

Sa. Ah kiching ah khakyaui,
Tong baksa tongnai,
Yakni saka yak beraui,
Kok thansa wngnai…….nwi

Nwi. Chah bantano chahlaiwi,
Nangma bahrano pinnai,
Bosongni bising bukcha tongkhe,
Yak phologwi rwnai……nwi

Tham. Sak hamna simi naiyaui,
Bosong hamari sannai,
kusum- kosok khao bangkhe,
khapangni kwchalo nornai….nwi

Brwi. Hacham-haua bakhogwi,
Pohorni utung rwknai,
Halok kwtharno manjulai,
Lam twngsao himnai…..nwi

_Ashit Debbarma