O RANGCHAKWI – RUNIT DEBBARMA | KOKBOROK POEM

0
648

O rangchak-oi

Kwlang thangkha ano nwng
Swngcharo saichungkhe,
Mungsabo kwrwikha ani
Kwlangkha bukchakhe.

Made mano a jorano
Kiphilwi teiwaisa?
Nono nuknani abono ani
Tongmani imang kaisa.

Kok khwnari mankhe ang
O naithok jorano,
Kiphilwi tubukhamu ang nono
O naibaiya hayung.

Sakni phanbai
Swngcharni rangbai
Nono tubui mankhe
Sakni thwih phano rikhamu
Tomung angle nangkhe.

Phiya o swngcharni raidao
Sualphang khoroksa phano,
Kerong thwngwi kwplai wngya.

___Runit Debbarma