SIKLA KHAPANG – PRACHAN DEBBARMA | KOKBOROK POEM

0
134

Sikla Khapang

Wanao lam kolok bahai himnai
Hacham rimi kasle da kwlaino.
Waisa-waisu choknai kwrwi rung hai
Twibom kotoro kochogu haino.
Wansugo mo isor bai swnamjak
Bwsak tei aphasongni khatungma:
Sajwla je yago swikong twijak,
Chwngno rina bagwi kwtal hama.
Moba kok da ungno khuk hantani,
Eba imang da ungno yamrokni.

Saimano nokha bai hani kwchar
Ani khapangba hachingsa kolsa.
Mo kaham eba hamyani swngchar,
Kubui yakarwi thangnai ang salsa.
Twmani aswk dakti hai hinba
Takse thwngmungni awar ongkhoro,
Sakni kolomtwi kwlaikhe tamwngba
Yorthun sakni kwchak bwtwi oro,
Thwikhe khaklabo rang bokjaknani
Tei borokni khugo kwthang tongnani.

_ Prachan Debbarma