TIPRASA DOPHA – JULI DEBBARMA | KOKBOROK POEM

0
115

Tiprasa Dopha

Yaphang ni simi sinijak haio
Chwngle kung bara tiprasa;

Tripura ama ni okhgo
Achaioi Haikha
Chwngle tiprasa;

Yaphang mwrama thansa
Chwngle tiprasa;

Koksama thansa
chamung bo thansa;
Chwngle tiprasa;

Sia sal thangma
Sia hor laima
Tonglaio hohom dodom
Chwngle tiprasa;

Salsa o naithok Tripura hao
Koboloi haio
Somsaoi haio nokha
Tong kosong tiprasa
Tonglaio hohom dodom;

Sal thangrwrwk
Hor lai rwrwk
Salsa bankundri haio
Sirwk lia tipra hayung
Kwma baikha joto Dopha
Kakbaikha Dopha twrwk twrwk;

Tabwk o naithok hao
Khakchangma kwrwi
Tongthok ma kwrwi
Bebak no kwma jak;

Kabjak ha Tripura ama
Ani bwsarok
sicha baisidi
Sini laisidi
Yaphang mwrama thansa
Chwngle tiprasa;

Haikhe da mwchang langsi
Ani bwsarok?
Tong kosong tongnai
Haikhe da komor langno?
Kabjak Tripura ha amaa…

_ Juli Debbarma